Payal Unadkat

ગરબો

(ગાલગા×4 ગા)

મેં તો ગરબો સજાવ્યો ઘણાં હોંશથી રે…
માત અંબા પધારો ગગન ગોખથી રે…

ઓઢી નવરંગ તે ચુંદડી નીસરી રે,
સાથ સહિયરને લીઘી મેં તો ચોકથી રે…

કેટલાં ઓરતા રાસ રમવા જગાવ્યા
કામ ઝટપટ પતાવ્યા એનાં મોહથી રે…

સાંજ પડતા રમીશું અમે ચોકમાં રે,
રાહ જોતી હતી બાવરી ભોરથી રે!

મારી સંગે રમો જો ભવાની હવે રે,
દાંડિયા સાથ અથડાય છે શોરથી રે,

તું કરે નાશ વૃત્તિ અસૂરી બધી રે,
જો ડરે દુશ્મનો પણ ઘણા કોપથી રે.

સર્વ લોકો મનાવે તહેવાર ને રે,
ભક્ત હરખે ઉડાડે ગુલાલ છોળથી રે.

-પાયલ ઉનડકટ

Categories: Payal Unadkat

Leave a Reply