Payal Unadkat

હુંકાર

(ગાલગાગા ગાલગાગા ગાલગાગા ગાલગા)

છે મહામારી અને જોખમ ઘણા સંસારમાં,
જાનની પરવાહ છોડે કેટલા સરકારમાં?

એટલી તાકાત ના અજમાવશો પડકારમાં,
આંખમાં ઉભરે પછી એ આગના આકારમાં,

ના ગમે જે વાત એ ખાડે દટાવી નાખજો ,
આવરો ના અણગમાને કોઇપણ તકરારમાં,

છે હવેલી બંધ ને મંદિર બધા સોપો પડ્યો,
ધોળ કિર્તન સાંભળી લેજો હ્રદય ધબકારમાં,

છે ગરીમા રામની એ મૌનમાં દેખાય છે,
હાક ને પડકાર તો રાવણ કરે લલકારમાં,

એકલા હાથે હલેસું કેમ રે મારી શકો?
અંગ ડાબું દોડશે જમણું હશે સહકારમાં,

જીતશે બાજી કરી યા હોમ થઇને આદરી,
કેટલી ટપકે ખુમારી શીશના હુંકારમાં.

-પાયલ ઉનડકટ

Categories: Payal Unadkat

Leave a Reply