Payal Unadkat

ઈશ્વર તને છૂટ છે

(ગાગાલગા ગાલગા×2)

ભૂલું તો ફટકારજે ઈશ્વર તને છૂટ છે,
તું દંડ પણ આપજે ઈશ્વર તને છૂટ છે,

આ મેં કર્યુ છે કહેતી છો પ્રજા શાનમાં,
અસ્તિત્વ દેખાડજે ઈશ્વર તને છૂટ છે,

દાવો નથી કે હમેશા સત્યવાદી જ છું,
પણ જૂઠથી ટાળજે ઈશ્વર તને છૂટ છે,

દીપક ઝળહળે ને અંધારા જતા કાયમી,
આવી મને પ્રકાશજે ઈશ્વર તને છૂટ છે,

મંદિર ભગત આવતા ડરશે સહજ જો ,
સત્કર્મ એ વાળજે ઈશ્વર તને છૂટ છે.

-પાયલ ઉનડકટ

Categories: Payal Unadkat

Leave a Reply