Very Nice

આ છે સ્ત્રી

આમ તો જો!!

આ વરસાદી દિવસોમાં પણ કેટલો બધો ઉઘાડ છે આજે..

આવી જ કોઇ સવારે ઉઘાડ નીકળ્યો ‘તો ને મેં તને કહેલું,

” જો આ આકાશ કેટલું સ્વચ્છ દેખાય છે”

અને
તારો જવાબ હતો ..

“વાદળી હતી , ‘ને વરસી ગઇ…”

એ વખતે ઉદાસીએ ઘેરી લીધેલી….

પણ આ વાદળીનું પણ કેવું???

બિલકુલ સ્ત્રી જેવું….

બંધાવું,
વરસવું
અને
વિંખાઇ જવું….

પરંતુ….

વાદળી વિખરાયા પછીનું સ્વચ્છ આકાશ જોયું છે કદી???

એક ચમક…
એક આભા હોય છે એની પોતાની….

જે હતું એ બધું જ આપી દીધાનો સંતોષ…

પોતાનું બધું જ ઠાલવી દીધાનું સુકુન…

હા,

બિલકુલ સ્ત્રી ની જેમ જ….

ઝીલવાની પાત્રતા
હોય પણ
કે
ન પણ હોય ….
પણ આપી દીધાનો સંતોષ અદ્દભુત હોય છે સ્ત્રીને…!!!!

એને
ન આશ…
ન પ્યાસ…

કેવળ થોડો વિશ્વાસ
ને
ખાસ અહેસાસ …

આ છે સ્ત્રી

-અજ્ઞાત 

Categories: Very Nice

Leave a Reply