Dr. Akhtar Khatri

અને બીજુ તું

મારા જીવનમાં ફક્ત બે જ વ્યસન, એક કવન અને બીજુ તું,
જેના થકી ચાલે મારું શ્વસન, એક પ્રભુને નમન અને બીજુ તું.

કાવ્યો મારા ઉતરે છે હૃદય સોંસરા, જે પણ વાંચે છે એકવાર,
જેમનાથી શબ્દોમાં છે વજન, એક તારી લગન અને બીજુ તું.

એકમય થઈને આપણે લખીશું રોજ એક નવું પ્રકરણ પ્રેમનું,
મળ્યું છે જ્યાં મને પ્રેમનું શરણ, એક તારું મન અને બીજુ તું.

નથી ગમતું નીકળવું જેની બહાર મને, એ તારો પડછાયો છે,
જેમનું આ જીવનમાં છે ચલન, એક પ્રેમ ગગન અને બીજુ તું.

ઈચ્છા બંને પૂરી થઈ ‘ #અખ્તર’, લાગી ન જાય કોઈની નજર,
ન માંગે કશું હવે મારું આ મન, એક હૈયે અમન અને બીજુ તું.

-ડો. અખ્તર ખત્રી

Categories: Dr. Akhtar Khatri

Leave a Reply