Payal Unadkat

તબીબ

વાત આજ એક અઝીઝની કરું છું,
કોઈની નહિં એક તબીબની કરું છું,

દર્દ સઘળા સૌના દૂર કરે પળમાં,
કહાની એવા મરીઝની કરું છું,

યુવાની આખી ખર્ચી અભ્યાસમાં,
મોજ વગરના ગરીબની કરું છું,

જીવન તમામ કુરબાન ફરજમાં,
નખશીખ એવા શરીફની કરું છું,

સમય નથી ગમતાં શ્વાસ ભરવા,
આપે જે જીવન રકીબની કરું છું,

અકળાવે જ્યારે અસાધ્ય રોગો,
સાંભરે છે જે હબીબની કરું છું,

મહેલ મહોલાતોનો સ્વામી તો છે,
સુતો રુગ્ણાલયે નસીબની કરું છું.

-પાયલ ઉનડકટ

#HappyDoctorsDay

Categories: Payal Unadkat

Tagged as:

Leave a Reply