Dilip Ghaswala

ગીત : રોમેન્સ

સાયકલ પર બેસી હું ચાલ્યો કરવાને રોમેન્સ,
સખી મારી જુએ છે રાહ,
જઇને કરીશ હું તો ડેન્સ.

આંસુ ને મુકયા છે બેંકમાં,
હસાવવાનું મળે છે વ્યાજ,
જેટલી ઉછળે ફાંદ એટલો પગાર,
બંધ મુઠ્ઠીમાં સંતાડી લાજ.

વેચીને ઝળઝળીયાં આંખોના,
ખરીદ્યા છે ખુબ ખુબ ટેન્શ,
સાયકલ પર બેસી હું ચાલ્યો કરવાને રોમેન્સ.

હસાવી હસાવી ને ઉદાસી ને ધકેલી છે છેક તળીયે,
સંતુલન ગુમાવતાં મેળવતાં હૈયું કહે,”ચાલ સૌને મળીયે”.

મનોરંજન કાજ આયખુ આખું ઘસીશ,
બસ એટલી બચી છે સેન્સ,
સાયકલ પર બેસી હું ચાલ્યો કરવાને રોમેન્સ.

-દિલીપ વી ઘાસવાળા

Categories: Dilip Ghaswala

Leave a Reply