નહીં અકળાય એ સુંદર; વિચારોનો સહારો છે,
કરે સર્જન ગઝલ કે ગીત; સૂરાનો સહારો છે,

અરે! થંભી જશે હમણાં ભલેને ડોલતી હોડી,
નથી મજધાર વચ્ચે એ કિનારાનો સહારો છે,

મહામારી સભર છે રાતદિન ને ખુબ અજંપો છે,
થયા ઔદાર્યના દર્શન નજારાનો સહારો છે,

નથી દોલત કે શોહરત સાંપડી; મૂડી આ શબ્દો છે,
કવિને વાહવાહીના ઠઠારાનો સહારો છે,

નિરુત્તર આજ કુદરત છે, પ્રહારે આકરા બોલી,
વગાડે કર્મની દાંડી, નગારાનો સહારો છે.

-પાયલ ઉનડકટ