Dilip Ghaswala

સાંજની આરપાર

સાંજની આરપાર લાગે છે,
પાક્ઝાદી દીદાર લાગે છે.

સાદ છે કોઈ વિરહીનીનો
વેદનાનો પૂકાર લાગે છે.

આ શરાબી નયન માશા અલ્લાહ!
શરબતી આ ખુમાર લાગે છે

પીઠ પાછળ કરે છે ઘા દુશ્મન,
મિત્ર નો ઉપહાર લાગે છે..

કોણ છે પ્રણેતા આ નેતાના?
શિષ્ટાચાર ભ્રષ્ટાચાર લાગે છે.

દિલ ની વાત કોણ માને છે?
જંગ હાર્યા તો પ્યાર લાગે છે.

આંસુના થોકબંધ વિક્રેતા,
યાતનાનો વેપાર લાગે છે.

પાનખરમાં વસંત ખીલે?
જગ્યા ત્યાં થી સવાર લાગે છે.

-દિલીપ ઘાસવાલા

Categories: Dilip Ghaswala

Leave a Reply