Payal Unadkat

છૂટશે શબ્દ તલવાર થૈ મ્યાનથી

છૂટશે શબ્દ તલવાર થૈ મ્યાનથી,
તોડશે કોઇનું દિલ એ આસાનથી,

જીતશો જંગ અભ્યાસ ને જ્ઞાનથી,
સ્થિરતા આવશે બુદ્ધ સમ ધ્યાનથી,

શુદ્ધતા રાખશું ભક્તિ ભાવે કરી,
કામ કરશે મહાદેવ ફરમાનથી,

સ્થિતપ્રજ્ઞ બની જીવતા આવડે,
ના અસર થાય વિપરીત હવામાનથી,

એષણાઓ ઘણી ઊભરે ફાલતું,
થઇ સમજદાર છોડું એને ભાનથી,

ભાળશો શ્યામને મૂરતીમાં જરા,
ના થશે દ્વેષ જીવંત ઇન્સાનથી,

આપમેળે કરમફળ કદમ ચૂમશે,
ના મળે ચાપલૂસી ભર્યા ગાનથી.

-પાયલ ઉનડકટ

Categories: Payal Unadkat

Leave a Reply