Payal Unadkat

હોય ના

વેદના સંભારવાની હોય ના,
ભાવથી સત્કારવાની હોય ના,

ઠોકરે જે કાળના ખંડીત થઇ,
રાંગ એ ઉદ્ધારવાની હોય ના,

શબ્દ જેના તીર જેવા ખૂંચતા,
વાત એ વધારવાની હોય ના,

છંદને લય પ્રાસમાં જેના મળે,
એ ગઝલ સુધારવાની હોય ના,

જંગ છે આ જિંદગી આખી સનમ!
એક હારે હારવાની હોય ના,

જે કહાની જીવને અકળાવતી,
ભૂલજો સંભારવાની હોય ના,

સાવ નાની વાતમાં વાંકું પડે,
મિત્રતા વિસ્તારવાની હોય ના.

-પાયલ ઉનડકટ

Categories: Payal Unadkat

Leave a Reply