(ગાલગાગા ગાલગાગા ગાલગાગા ગાલગા)

કેટલા રૂઆબથી ફરતા રહે છે દરબારમાં,
એ કરે દુષ્કર્મ તો દેખાય ના અખબારમાં,

રાખવા સંભાળ પાણીના સબંધો માનવી,
બાંધવો સંગાથ તોડે ગાંઠ એ પળવારમાં,

કામ જેને કંઇ ના બીજા ઉપર માંડે નજર,
શાસ્ત્ર એના પર લખે ને ખુદ રહે ચકચારમાં,

ધૂન એવી સાંભળે આઠે પ્રહર મન જે કહે,
એ લખાવે નામ એનું કેમ રે ફનકારમાં,

પ્રાણ પૂરે પીંડમાં એ છે જગતના તાતસમ,
કેટલી શીદ્દત હશે કુંભારના ઠપકારમાં?

-પાયલ ઉનડકટ