Dr. Akhtar Khatri

પહેલી તારીખ

જો ફરીથી પહેલી તારીખ આવી ગઈ,
આખા મહિનાની બચતને ચાવી ગઈ.

બચ્યું કંઈ નથી, નવો મહિનો શરૂ હવે,
ફરીથી મોંઘવારી હિસાબને ખાઈ ગઈ.

જે મહેમાન તરીકે આવી હતી ક્યારેક,
પીડાઓને આપણી જિંદગી ફાવી ગઈ.

ખર્ચાઓનું મીટર ફરીથી ફરવા માંડશે,
ગતિ તેની બધી હદ હવે વટાવી ગઈ.

દોડી તો નહીં જિંદગી કદી, ‘ અખ્તર ‘
ગોકળ ગાયની જેમ થોડી ચાલી ગઈ.

-Dr. Akhtar Khatri

Categories: Dr. Akhtar Khatri

Leave a Reply