Payal Unadkat

જોયા

(8×ગા)

સૂરજ ઊગ્યે આગળ જોયા,
સંધ્યાટાણે પાછળ જોયા,

માનવ જેવા આ પડછાયા,
સુખદુઃખમાં એના તળ જોયા,

ભૂલેલું સપનામાં જોતાં,
પ્રત્યક્ષ થાશે અંજળ જોયા,

વેલી નાજુક નમણી અંગે,
ભીંતે ચડવાના બળ જોયા,

વર્ષોથી ખુલ્લા મંદિરના,
વાસેલા એ ભોગળ જોયા,

ચમકી ક્ષણમાં ઊડી જાતા,
વચનો એના ઝાકળ જોયા,

ફોરમ માટે ફૂલો વાવે,
ક્યાંથી બોલે બાવળ જોયા!

-પાયલ ઉનડકટ

Categories: Payal Unadkat

Leave a Reply