Dharati Dave

આકર્ષણ

આકર્ષણ

હું સાતેક વર્ષનો હોઈશ મમ્મીનાં ગયા પછી એકલાં રેહતા શીલા આંટી મારા ઘરે આવી પપ્પાની રસોઈમાં મદદ કરતા. કામવાળીનું ધ્યાન પણ એ જ રાખતા હતા. એમને જોઈને મને  કંઈક અલગ જ લાગતું હતું. આંટી  જાણે મારા ઘરમાંજ રહેતા હોય એમ  બધા જ કામ કરતાં હતાં એકવાર નવી આવેલી કામવાળીતો આંટીને મારા ઘરના સભ્ય સમજી બેઠી હતી પછી સમય જતા એને ખબર પડી કે આંટી તો મારા પાડોસી છે. સોળ વરસનો થયો ત્યારે મને ખબર પડી કે વેલેન્ટાઇન વીક જેવું પણ કંઈક હોય છે. આંટી માટે મને આકર્ષણ હતું, અલગ જ પ્રકારનું આકર્ષણ પછી  ખબર પડી કે કાલે પ્રપોઝ ડે છે. હું ગિફ્ટ શોપમાં  ગયો ત્યાંથી સરસ મજાનું કાર્ડ અને એક કિચેન લીધું. બીજા દિવસે સવારે આંટી આવ્યા એમને મે કાર્ડ અને એમને ગમતાં સફેદ ગુલાબ અને અમારા ઘરની ચાવીઓ ભરાવીને કીચેન  સાથે ઘૂંટણ પર બેસીને પ્રપોઝ કર્યું  “શું તમે મારા મમ્મી બનશો?”

-ધરતી દવે
Dhara3192@gmail.com

Categories: Dharati Dave

Leave a Reply