Asim Bakshi

યાદો નો રંગ

ટૂંકી વાર્તા : યાદો નો રંગ

ખુબ સરસ વરસાદ વરસતો હતો; આજે ૫ મી જુલાઈ; બરાબર ૩૩ વર્ષ થયા મમતા ને છેલ્લી વખત મળવાને; જયારે પણ સુરત આવતી ત્યારે તાપી નદી ના કિનારે નાની દેરી પાસે એક બેન્ચ ઉપર અમે અચૂક બેસતાં અને કુદરત ને માણતાં અને કેહતા કે યાદો ના રંગ હંમેશા આપણ ને યાદ રહેશે; આશરે 15 / 2૦ વખત અમે એ બેન્ચ પર સંધ્યા વિતાવી હશે. મમતા નું શું થયું એ ખબરજ ના પડી.

આજે એ તરફ નીકળ્યો તો મન થયું કે નદી કિનારે એક આંટો મારી આવું; ત્યાં જઈ ને જોયું તો બેન્ચ નો કલર બિલકૂલ ઉડી ગયો હતો અને જર્જરિત લાગતી હતી. મેં મંદિર ના પૂજારી ને બોલાવ્યા અને કહ્યું; મહારાજ આ બેન્ચ ને ઠીક ઠાક કરાવી ને કલર કરાવી દેજો; આ રૂપિયા રાખો; ઘટે તો મને ફોન કરજો. હું પાકીટ કાઢતો હતો ત્યાંજ મહારાજ એ કહ્યું; ભાઈસાબ રહેવા દો; સવારેજ અમેરિકા થી આવેલા એક બેન રૂપિયા આપી ગયા છે; અને કેહતા ગયા કે યાદો ના રંગ હંમેશા તાજા રાખવા જોઈએ; બેરંગ આંખો લઇ હું ચુપચાપ ચાલી નીકળ્યો !!

લેખક:- આસીમ બક્ષી

Categories: Asim Bakshi

Tagged as: ,

Leave a Reply