Asim Bakshi

કાંદા ના ભજીયા

ટૂંકી વાર્તા —કાંદા ના ભજીયા

ધોધમાર વરસાદ વરસતો હતો ને હું કોઈ કામ માટે બહાર નીકળ્યો હતો ; માથે છત્રી લઇ ને એક શેરી માં થી પસાર થતો હતો ત્યાંજ એક ઘર ની બારી માંથી એક વડીલ એ મને બોલાવ્યો અને કહ્યું ભાઈ માફ કરજો પણ મને કાંદા ના ભજીયા લાવી આપશો ? મેં પૂછ્યું ઘરે કોઈ નથી ? વૃદ્ધે જવાબ આપ્યો ; ના બેટા એકલો છું; મારી પત્ની ગુજરી ગઈ છે ને છોકરો વહુ અમેરિકા રહે છે; આ વરસતા વરસાદ માં આજે અચાનક મારી પત્ની ના હાથ ના ભજીયા યાદ આવ્યા; શું તમે લાવી આપશો? મેં તરત હા પાડી. વૃદ્ધે ૫૦ રૂપિયા ની ચીમળાયેલી નોટ મને આપી; મેં કહ્યું કાકા રહેવા દો હું ભજીયા લઇ આવું છું .

પાસે ફરસાણ ની દુકાને થી ભજીયા લાવી ને વડીલ ને આપ્યા અને કહ્યું કે આ મારો મોબાઈલ નંબર છે જ્યારે પણ કોઈ કામ હોય મને યાદ કરજો; વડીલે દુઆ આપી ને બારી બંધ કરી દીધી . હું કામ પતાવી ને ઘરે ગયો અને છત્રી મૂકી ત્યાંજ મારી પત્નીએ પૂછ્યું , આજે વરસાદ સરસ છે ; કાંદા ના ભજીયા ખાશો ?ને હા હાલજ દીકરાવહુનો અમેરિકા થી ફોન હતો , ફરવા બોલાવે છે ; ભીની આંખે હા કહી ને હું કપડાં બદલવા દોડી ગયો !!!

લેખક:- આસીમ બક્ષી

 

 

Categories: Asim Bakshi

Tagged as: ,

Leave a Reply