Dr. Akhtar Khatri

… આવે છે.

તું મને યાદ આવે છે, બહું યાદ આવે છે,
રાત વીતે ને ફરી અંધારી રાત આવે છે.

ક્યાં રોકાય છે અશ્રું, તારી યાદનીજેમ,
અશ્રું લુંછું ને ફરી ખરો વરસાદ આવે છે.

વિરહનો ગાળો શી રીતે વીતશે ? શું કહું,
માંડ વીતે ક્ષણ ને મૃત્યુની વાત આવે છે.

વેરાન થયું છે, સર્વસ્વ જે તુજ થકી હતું,
મનના તે મૌનમાં તારો અવાજ આવે છે.

કોઈ કહે કે તું પણ યાદ કરે છે ‘અખ્તર’ને,
તો ઘડી બે ઘડી શ્વાસમાં શ્વાસ આવે છે.

Categories: Dr. Akhtar Khatri

Leave a Reply