નતમસ્તક છું હે ઈશ્વર તારી કરામતો જોઈને !
હસવા મ્હો ઍક આપ્યુ ને રડવા આંખો બે !

શું હશે તારા મનમાં તે સમયે કોને ખબર !
તોડવુ જ હશે તારે તો હ્રદય આપ્યુ કાંચનુ !

લાગણીઓ ભરીભરીને મૂકી માનવીમાં કેમ ?
અને પીડા ખમવાની શક્તિ શૂન્ય જેટલી !

પ્રેમ કરાવે તેનાથી જે નસીબમાં ન લખ્યા તેં !
હ્રદય તોડે જાણે તારા મન માનવી રમકડૂ હોય !

અળગા તેમને જ કરે જેના સિવાય જીવાય ના !
દૂર કરીને પછી સજા પાછી જીવતા રહેવાની !

પ્રાર્થના કરે કોઈ ખબર નહીં શા માટે તને રોજ !
જો ભાગ્યમાં લખેલુ તૂ ખુદ બદલી નથી શકતો !